रस अनलाइन खबर आज २०७७-०५-११
पोखरामा उपचाररत एक महिलाको कोरोनाका कारण मृत्यु भएको छ ।
पोखराको स्वास्थ्य विज्ञान प्रतिष्ठानमा उपचाररत पोखरा -११ की ३२ वर्षीया महिलाको कोरोनाका कारण मृत्यु भएको हो ।
भदौ ७ गते कोरोना पुष्टि भई प्रतिष्ठानको कोभिड-१९ उपचार केन्द्र को आइसीयुमा उपचाररत महिलाको बिहीबार बिहान ८ बजे उपचार कै क्रममा मृत्यु भएको प्रतिष्ठानका निर्देशक डा. अर्जुन आचार्यले जानकारी दिनुभयो ।
संक्रमित महिलामा कोरोना भन्दा बाहेकका अन्य कुनै रोगको लक्षण नदेखिएको डा. आचार्यले बताउनुभयो । “उहाँमा कोरोनाकै लक्षणहरु थिए, अन्य रोग केहि देखिएको थिएन” , डा. आचार्यले पोखरा न्यूज सँग भन्नुभयो “भेन्टिलेटरमा राखेर उपचार ररिरहेका थियौ, आज बिहान मृत्यु भयो।”
यस अघि मृत्यु हुने व्यक्तिहरुमा कुनै न कुनै खालका अन्य जटिल तथा दिर्घ रोग भएको भएपनि आज मृत्यु भएकी महिलामा त्यस्तो अन्य जटिल समस्या नरहेको डा. आचार्यले बताउनुभयो ।
प्रतिष्ठानको कोभिड-१९ उपचार केन्द्रमा कोरोनाबाट हालसम्म ५ जनाले ज्यान गुमाएका छन् ।