नेपाल समाचार
-कलाकार विल्सनविक्रम राई ‘तक्मे बूढा’ ले फिल्म निर्देशनमा हात हाल्ने भएका छन् । उनको डेब्यू लेखन र निर्देशनमा फिल्म ‘मैझारो’ बन्ने भएको हो ।
विल्सनले सोमबार फिल्म निर्माणको घोषणा गरेका हुन् । उनका अनुसार फिल्मको शीर्ष नायकमा धिरज मगर फाइनल भएका छन् ।
फिल्ममा अन्य कलाकार चयनको काम भने बाँकी रहेको उनले बताएका छन् । ‘मैझारो’ उनकै ‘तक्मे प्रोडक्सन’ को ब्यानरमा बन्ने बताइएको छ ।
यो पनि : फागुन १ बन्यो प्राइम डेट : चार फिल्मको रिलिज-डेट सेट
फिल्मको छायाङ्कन इलाम र पाँचथरका विभिन्न स्थानमा गर्ने योजनामा रहेको विल्सनले बताएका छन् । पूर्वी पहाडको जीवनशैलीमा आधारितक कथामा यो फिल्म बन्ने उनले बताए ।
विल्सन टेलिसिरियल ‘मेरी बास्सै’ बाट चर्चामा आएका कलाकार हुन् । उक्त सिरियलमा उनले ‘तम्के बूढा’ को भूमिका निर्वाह गर्थे । त्यहीबाट उनी चर्चामा आएका हुन् ।
विल्सन ठूलो पर्दाको सहायक भूमिकामा पनि रुचाइएका कलाकार हुन् । उनले दर्जनौं फिल्ममा सहायक भूमिका निर्वाह गरेका छन् ।