नेपाल समाचार
गत वर्ष प्रदर्शनमा आएको ‘ह्रस्व दीर्घ’बाट निर्देशनमा डेब्यू गरेका चन्द्र पन्तले फेरि अर्को फिल्म ‘आँबाट आमा’ बनाउने तयारीमा छन् । अहिले यस फिल्मका लागि कलाकार चयनको काम भइरहेको छ ।
‘ह्रस्व दीर्घ’मा चन्द्र पन्तले भारतीय कलाकारहरु ब्रह्मानन्द, प्रदीप रावत, सुनील वर्मालगायतलाई अभिनय गराएका थिए ।
दोस्रो फिल्ममा पनि चन्द्रले भारतीय कलाकार प्रदीप रावतलाई अभिनय गराउने भएका छन् । पन्तले रावत फिल्ममा अनुबन्ध भएको खबर शुक्रबार सार्वजनिक गरेका हुन् ।
यसअघि नै फिल्ममा पल शाह र नायिका विपना थापा अनुबन्ध भइसकेको छन् । निर्देशक पन्तका अनुसार प्रदीप पल शाहको बुवाको भूमिकाका लागि अनुबन्ध भएका हुन् ।
पन्तले रावतको भूमिकाबारे थपे, ‘उहाँले नेपाली स्टाइलकै भूमिका निर्वाह गर्नुहुन्छ ।’
चन्द्र पन्त यस फिल्मको छायाङ्कन भदौबाट सुरु हुने बताएका छन् । यस फिल्मको स्क्रिप्ट अभिमन्यु तिवारीले लेखेका हुन् ।