नेपाल समाचार
अमेरिकी पप गायक जस्टिन बिबरले आफ्नी श्रीमती हेली बिबरसँग सार्वजनिक रुपमा माफी मागेका छन् ।
उनले सामाजिक सञ्जालमा मागेको माफीलाई फ्यानहरुले विभिन्न प्रतिक्रिया दिइरहेका छन् ।
जस्टिनको माफी २०२५ को संस्करणको ‘भोग’ म्यागजिनसँग सम्बन्धित छ । जुन मे २० मा सार्वजनकि भएको थियो । त्यसमा हेलीको तस्बिर समावेश छ ।
यही विषयले जस्टिन सार्वजनिक रुपमा माफी माग्न बाध्य भएका हुन् ।
जस्टिनले माफी मागेको पोस्टबाट थाहा हुन्छ कि- उनले श्रीमतीलाई उनले ठूलो झगडामा भनेका थिए- ‘कहिल्यै तिम्रो तस्बिर भोग म्यागजिनमा आउँदैन’ ।
श्रीमतीको तस्बिर म्यागजिनमा छापिनुलाई उनले खुसीका रुपमा लिएका छन् । अनि विगतको आफ्नो तितो बचनप्रति पछुतो मानेका छन् ।
उनले लेखेका छन्, ‘म बुझ्छु, त्यो निकै नै निर्दयी कुरा थियो । त्यसबेला मैले अपमानजनक टिप्पणी गरेको थिएँ ।’
सोही पोस्टमा उनले हेलीप्रति प्रेम पनि दर्शाएका छन् । उनले लेखेका छन्, ‘मैले जीवनमा धेरै मूर्खतापूर्ण कामहरू गरेको छु । तर, सबैभन्दा स्मार्ट निर्णय भनेको हेलीसँग विवाह गर्नु हो।’