नेपाल समाचार
सिड्नी । अष्ट्रेलियाको गोल्ड कोष्टमा बस्ने २० वर्षीया जुम्ल्याहा दिदीबहिनी अप्रिल र अमेलिया म्याडिसन आफ्नो अनौठो निर्णयका कारण सामाजिक सञ्जालमा चर्चाको विषय बनेका छन् ।
यी दिदीबहिनीहरू एउटै ब्वाइफ्रेन्ड बाँड्ने मात्र होइन, ‘थ्रपल’ भएर सँगै बस्न चाहन्छन्। ‘थ्रपल’ भन्नाले तीनजना व्यक्तिबिच रोमान्टिक सम्बन्ध हो।
अप्रिल र अमेलियाको सम्बन्ध बाल्यकालदेखि नै विशेष रहेको छ । उनीहरूले आफ्नो बाल्यकालमा गुडिया, साइकल, कपडा र मेकअप सबै कुरा साझा गरेका छन्।
अब, हुर्किसकेपछि, दुवैले आफ्नो सम्बन्धमा पनि एउटै पार्टनर साझा गर्ने निर्णय गरेका छन् । उनीहरू दुवैले यो उनीहरूका लागि पूर्णरुपमा स्वाभाविक भएको बताउँछन्, किनकि उनीहरूको हरेक कुरामा सधैँ एउटै प्राथमिकता हुन्छ ।
न्युयोर्क पोस्टसँग कुरा गर्दै अप्रिलले भनिन्–हामी दुवैलाई एउटै खाले केटा मन पर्छ । उनी अग्लो, हट्टाकटा, ट्याटु भएको हुनुपर्छ र सबैभन्दा महत्त्वपूर्ण कुरा, उनी हँसिलो स्वभावको हुनुपर्छ। धेरैले यसलाई ‘किंक’ मान्दछन्, तर हाम्रो लागि यो सामान्य कुरा हो ।
जब उनीहरूले छुट्टै प्रेमी बनाउन खोजे, तर उनीहरूको बिचको गहिरो बन्धनलाई लिएर उनीहरूका पार्टनरहरू ईर्ष्यालु भएका थिए । अमेलियाले भनिन्- सुरुमा हाम्रा प्रेमीहरू एक जुम्ल्याहा बहिनीलाई भेट्न पाउँदा खुसी थिए। तर चाँडै, हामीले एकअर्कासँग धेरै समय बिताएको तथ्यबाट उनीहरू रिसाउन थाले।
यही समस्या समाधान गर्न दुवै दिदीबहिनीले अब एउटै प्रेमीलाई साझा गर्ने निर्णय गरेका छन्, ताकि उनीहरूको बन्धनमा कुनै गडबड नआओस् ।
दुवै दिदीबहिनीले सँगै डेट गर्ने भए पनि आफ्नो प्रेमीसँग एक पटकमा एक जनासँग मात्रै घनिष्ठ सम्बन्ध हुने पनि स्पष्ट पारेका छन् । यसबारे अप्रिलले आफूहरूसँग छुट्टै सुत्ने कोठा हुने र हप्ताको केही दिन आफूसँग र बाँकी दिन अमेलियासँग बस्ने बताए ।
जुम्ल्याहा बहिनीहरू उनीहरूको बारेमा के अरूले सोच्छन् वास्ता नगर्ने बताउँछन् । उनीहरू भन्छन्– ‘यो हामीलाई उपयुक्त छ र यो हाम्रो जीवन हो। यदि हामी खुसी छौँ र कसैलाई हानी गर्दैनौँ भने, हामी अरूको विचारको वास्ता गर्दैनौँ ।’