नेपाल समाचार
नायक विपीन कार्की र नायिका मिरुना मगर केन्द्रीय भूमिकामा रहेको फिल्म ‘ऊनको स्वीटर’ को गीत मंगलबार सार्वजनिक भएको छ।
काठमाडौंको कलमपोखरीस्थित एक हलमा यस गीतका गायक सुजन चापागाईं र झुमा लिम्बूको प्रत्यक्ष प्रस्तुतीका बीच गीत सार्वजनिक गरिएको हो।
यस गीतको शब्द युवराज काफ्लेले लेखेका हुन् भने संगीत गायिका झुमाले नै भरेकी हुन्।
फिल्मका निर्देशक नवीन चौहानले गीतबारे भने, ‘फिल्म वास्तविकता नजिक रहेकाले यो गीतलाई पनि हामीले यथार्थपरक शैलीमा प्रस्तुत गरेका हौं।
नायक विपीन कार्कीले फिल्ममा अभिनय गर्दा आफ्नो विद्यार्थी जीवनको सम्झना आएको बताए। उनले भने, ‘फिल्मम अटो भर्ने दृश्य छ। अटोमा मेरो यादहरू छन्। स्कुलमा रहँदा मेले धेरै साथीहरूलाई अटो लेखेको छु।’
नायिका मिरुनाले भने गीतमा आफ्नो भावनात्मक सम्बन्ध रहेको उल्लेख गरिन्। उनले थपिन्, ‘मेरो पुर्खाहरूले गुनगुनाएको यो भाकामा आफैँले काम गर्न पाएकी छु।’
‘ऊनको स्वीटर’ आर्टमाण्डू प्रालिको पहिलो फिचर फिल्म हो। यसमा विपीन र मिरुनासहित विल्सनविक्रम राई, एलेक्स पारस, परीक्षा लिम्बू, सुनिल पोखरेल, माओत्से गुरुङ, प्रेम सुब्बालगायत अभिनय रहेको छ।
प्रकाशित मिति :४ बैशाख २०८२,विहिबार ११:१० बजे