यस्तो देखिए राजेश र राज ‘नरसिंहाः अवतार’को फर्स्टलुकमा

सेयर गर्नुहोस्

काठमाडौं नेपाल समाचार
फर्स्टलुक सार्वजनिक गर्दै फिल्म ‘नरसिंहाःअवतार’को प्रदर्शन मिति तय गरिएको छ। काठमाडौंको ग्लोबल कलेजमा आयोजित कार्यक्रममा फिल्मको फर्स्टलुक सार्वजनिक गरिएको हो।

यो फिल्मलाई आगामी वर्ष जेठ ९ गतेबाट रिलिज गर्ने घोषणा निर्माणपक्षले गरेको छ।

पाँच सय बढी विद्यार्थीहरुको उपस्थितिमा फिल्मका दुई पोस्टर सार्वजनिक गरिएको हो।

दिवाकर भट्टराईको लेखन तथा निर्देशनमा तयार भएको यो फिल्मबाट नायक राजेश हमालले ८ वर्षपछि नेपाली फिल्म क्षेत्रमा कमब्याक गर्दैछन्। यसकारण पनि यो फिल्म बहुप्रतिक्षित छ।

कार्यक्रममा नायक हमालले आफूले ३ सय बढी फिल्ममा काम गरे पनि यति ठूलो पोस्टर हालसम्म नदेखेको बताए। यो फिल्मको हालसम्मै ठूलो दाबीसहित पोस्टर सार्वजनिक गरिएको हो।

जुविक्रम थापाले खिचेको फिल्ममा कविराज गहतराज र माइकल चन्दको कोरियोग्राफी, चन्द्र पन्तको एक्सन,मिलन श्रेष्ठ र साहिल खानको सम्पादन,शम्भुजित बाँस्कोटा र अर्जुन पोखरेलको संगीत छ। पोस्टरको डिजाइन राकेश दाहालले गरेका हुन्।

कार्यक्रममा विद्यार्थीमाझ नायक राजेश हमालसँग सम्बन्धित १० प्रश्न गरिएको थियो। सही जवाफ दिने विद्यार्थीलाई फिल्मका कलाकारहरुले उपहार प्रदान गरे।

यो फिल्म हेर्न निक्कै उत्साहित भएको ग्लोबल कलेजका विद्यार्थीहरूले बताए। फिल्म ‘नरसिंहाः अवतार’लाई प्रेम, सस्पेन्स र एक्सनको मिश्रण भनिएको छ।

यो फिल्ममा राजेश हमालको साथमा सरोज खनाल, नीर शाह, राज कटुवाल, नीति शाह, सनिषा भट्टराई, उषा खड्गी, अर्जुन श्रेष्ठ, प्रशान्त ताम्राकार, रमेश चन्द सोडारी, प्रकाश कुँवर, राजिभ जंग बस्नेत, दीपा शाही, प्रभु श्रेष्ठ, अमित गिरी, एभेलिना खड्का, समाइरा थापा, आशा पौडेल लगायतका कलाकाको अभिनय छ।

फिल्ममा दीपक शर्मा ढकाल, नरेन्द्र महर्जन, ध्रुव न्यौपाने, नेम महर्जनको लगानी छ। करण सिंह प्रोडक्सन डिजाइनर रहेको यो फिल्मका एसोसियट निर्देशक वसन्त अधिकारी हुन्।

(Visited 1 times, 1 visits today)

Leave a Reply

Your email address will not be published. Required fields are marked *