नेपाल समाचार। ०९.०२.२०७९
विश्वमा कोरोना, मङ्कीपक्स र युक्रेनमा जारी युद्धको कारणले कठिन समय आएको विश्व स्वास्थ्य संगठन(डब्लुएचओ) का प्रमुखले बताएका छन् ।जेनेभामा संयुक्त राष्ट्रसङ्घीय स्वास्थ्य एजेन्सीका विज्ञहरूसँगको छलफलका क्रममा डा. टेड्रोस एडनम गेब्रेयससले यस्तो बताएका हुन् । यी सबै विज्ञहरू अफ्रिकाबाहिर विश्वका १५ देशमा फैलिएको मङ्कीपक्सबारे छलफल गर्न भेला भएका थिए ।
याे पनि :युरोप–अमेरिकामा विफरजस्तै मङ्कीपक्स संक्रमण फैलिन थालेपछि स्वास्थ्यकर्मी सतर्क मङ्कीपक्स भाइरससँग के तपाईं चिन्तित हुनुपर्छ ?‘हामीले रोग, खडेरी, भोक र युद्ध जस्ता गम्भीर संकटको सामना गरिरहेका छौं, जुन जलवायु परिवर्तन, असमानता र भूराजनीतिक प्रतिद्वन्द्वताले बढाएको छ,’ उनले भने ।
बेलायतमा मङ्कीपक्सको पहिलो केस देखिएपछि युरोपका अन्य धेरै देशहरूमा पनि यो भाइरस भेटिएको छ । स्पेन, पोर्चुगल, जर्मनी, बेल्जियम, फ्रान्स, नेदरल्याण्ड्स, इटाली र स्वीडेनमा पनि मङ्कीपक्स पुष्टि भएको छ । आइतबार, अस्ट्रिया र स्विट्जरल्याण्डमा पनि मङ्कीपक्सका केसहरू भेटिएका छन् ।
हालसम्म युरोप, अमेरिका, क्यानडा, अष्ट्रेलिया र इजरायलमा ८० भन्दा बढी मङ्कीपक्सको पुष्टि भइसकेको छ ।आइतबार वार्ताको शुरुवातमा डब्ल्यूएचओ प्रमुखले भने, ‘अवश्य पनि विश्वमा कोरोना महामारी मात्रै संकट होइन ।’