राष्ट्रपति शेखको निधनका कारण ‘आईफा अवार्ड २०२२’ स्थगित

सेयर गर्नुहोस्

नेपाल समाचार। ०१.०२.२०७९

संयुक्त अरब इमिरेट्स (युएई) का राष्ट्रपति शेख खलिफा बिन जायद अल नाह्यानको निधनका कारण युएईको अबु धाबीमा २०–२१ मे २०२२मा हुने भनिएको बलिउडको प्रतिष्ठित अवार्ड ‘आईफा अवार्ड २०२२’ स्थगित भएको छ । राष्ट्रपति शेखको निधनको कारण युएईमा ४० दिने शोकको घोषणा भएको छ ।

राष्ट्रपति शेखको शुक्रबार निधन भएको थियो । आयोजक टिमले जानकारी दिनु भए अनुसार ‘आईफा अवार्ड २०२२’ अव १४ देखि १६ जुलाईमा आयोजना हुने भएको छ । राष्ट्रपति शेखको निधनमा ४० दिने राष्ट्रिय बिदाको अलवा झण्डा आधा झुकाइएको छ ।

आईफा यस आइल्याण्डमा आयोजना कार्यक्रम थियो । यस पटक अवार्डमा छायांकन, पटकथा, संवाद, सम्पादन, कोरियोग्राफी, साउन्ड डिजाइन, साउन्ड मिक्सिङ, ब्याकग्राउन्ड स्कोर र स्पेशल इफेक्ट (भिजुअल) गरी ९ विधा समावेश गरिएको छ । कार्यक्रम संस्कृति तथा पर्यटन विभाग –अबु धाबी (डीसीटी) को सहकार्यमा आयोजना हुन लागेको हो ।

बलिउड सुपरस्टार सलमान खान, रितेश देशमुख, मनीष पोल, रणवीर सिंह, कार्तिक आर्यन, सारा अली खान, वरुण धवन, अनन्या पाण्डे, दिव्या खोसला कुमार र नोरा फतेही कार्यक्रम सहभागी हुने तय भएको थियो ।
आइफा बलिउडका सबैभन्दा ठूला निर्माता– निर्देशक करण जौहर र अभिनेत्री परिणिती चोपडाको आयोजनामा हुन लागेको थियो ।

(Visited 43 times, 1 visits today)

Leave a Reply

Your email address will not be published. Required fields are marked *