तीन दिने भ्रमण गएको प्रधानमन्त्री देउवा आज काठमाडौं फर्किदै

सेयर गर्नुहोस्

नेपाल समाचार। २०.१२.२०७८

तीन दिने भ्रमणका लागि गत शुक्रबार भारतको राजधानी नयाँदिल्ली गएका प्रधानमन्त्री शेरबहादुर देउवा उत्तर प्रदेशको बनारस पुगेका छन् । एयर इण्डियाको जहाजमार्फत् बनारस पुगेका प्रधानमन्त्री देउवालाई उत्तर प्रदेशका मुख्यमन्त्री योगी आदित्यनाथले स्वागत गरे ।

बनारसमा मुख्यमन्त्री आदित्यनाथले प्रधानमन्त्री देउवासँग भेटवार्ता गर्ने कार्यक्रम छ । साथै नेपाली धर्मशालामा जाने र त्यहाँका मन्दिरहरु दर्शन गर्ने कार्यक्रम छ । प्रधानमन्त्री देउवा आजै बनारसबाट नयाँदिल्ली फर्किने र अपराह्न काठमाडौं प्रस्थान गर्ने कार्यक्रम छ । उनी भारतीय समयअनुसार अपराह्न सवा चार बजे नयाँदिल्लीबाट काठमाडौं प्रस्थान गर्नेछन् ।