नेपाल समाचार। २४/११/२०७८
पोखरा – नेपाल राष्ट्रिय फुटबल टोलीका फरवार्ड सदस्य सुमन लामाले विभागीय टोली नेपाल पुलिस क्लब छाडेका छन् । लामाले नेपाल पुलिस क्लबमा पाँच वर्ष बिताएँ तर अब भने विभाग बाहिरबाट खेल्ने निर्णय गरेक र प्रक्रियासमेत पूरा गरेको छन् । ०७३ सालबाट पुलिस जागिरे बनेका सुमनले यसअघि ०७० सालदेखि नै नेपाल पुलिसबाट फुटबल खेल्दै आएका थिए ।
सुमन लामालाई पुलिस क्लब छाडेन लगत्तै मनाङ मर्स्याङ्दी क्लब र न्युरोड टिम एनआरटीलगायत टोलीले मोफसल प्रतियोगिता खेल्न प्रस्ताव गरे पनि केही समय विश्राम लिएर बस्ने सोच बनाएका बताएका छन् । दोस्रो संस्करणको फ्रेन्चाइज नेपाल सुपर लिग (एनएसएल) का लागि भने सुमन साविक विजेता काठमाडौं रेजर्समा खरिद भएका छन् । अक्सनमा बिक्री नभएका ए श्रेणीका सुमनलाई काठमाडौंले विस लिष्टमा खरिद गरेको हो । पहिलो संस्करणमा भने सुमनले बुटवल लुम्बिनीको प्रतिनिधित्व गरेका थिए ।
सन् २०१६ मा सुमन लामाले बंगबन्धु गोल्डकपमा श्रीलंकाविरुद्ध खेल्दै डेब्यु गरेका थिए ।