नेपाल समाचार- ०६/१०/२०७८
काठमाडौं- आगामी फेब्रुअरीमा ओमानमा हुने टी-२० विश्वकप ग्लोबल क्वालिफायरका लागि नेपाली टोली घोषणा भएको छ । नेपाल क्रिकेट संघ क्यानले बिहीबार सन्दीप लामिछानेको कप्तानीमा १६ सदस्यीय टोली घोषणा गरेको हो ।
जसमा भर्खरै सम्पन्न प्रधानमन्त्री कपमा उत्कृष्ट प्रदर्शन गरेका विवेक यादव, प्रदीप ऐरी, जितेन्द्र मुखिया र लोकेश बमले टिममा स्थान बनाएका छन् । जितेन्द्र र प्रदीपले टिममा पुनरागमन गर्दा लोकेश र विवेकले पहिलो पटक टिममा स्थान बनाएका हुन् ।
नियमित सदस्य सोमपाल कामी यसपटक टिममा पर्न सकेनन् । यस्तै विकेटकिपर ब्याट्सम्यान विनोद भण्डारी पनि अन्तिम टोलीमा अटाएनन् । विवेक गत वर्ष कतार टुरका लागि टी-२० टिममा परेपनि उक्त टुर रद्द भएको थियो ।
नेपाली टिम- सन्दीप लामिछाने, कुशल भुर्तेल, ज्ञानेन्द्र मल्ल, आशिफ शेख, दीपेन्द्र सिंह ऐरी, कमल सिंह ऐरी, आरिफ शेख, शरद भेषावकर, करण केसी, जितेन्द्र मुखिया,अविनाश बोहरा, शाहब आलम, लोकेश बम, कुशल मल्ल, विवेक यादव, प्रदीप ऐरी