रस अनलाइन खबर आज २०७७-१०-०४
इन्डोनेशियाको माउन्ट सेमरुमा शक्तिशाली ज्वालामुखी बिस्फोट भएको छ। ज्वालामुखीबाट निस्किएको खरानी तथा धुवाँ ५.६ किलोमिटर परसम्म पुगेको छ।
जनघनत्व अत्याधिक रहेको जाभा आइल्याण्डको आकाशमा खरानी तथा धुवाँ फैलिएको छ।
अहिलेसम्म माउन्ट सेमरु आसपास क्षेत्रका बासिन्दालाई तत्काल सुरक्षित स्थानमा जान भनिएको छैन।
यस्तै अहिलेसम्म ज्वालामुखीका कारण कोही घाइते भएको वा कसैको ज्यान गएको थाहा नभएको स्थानीय अधिकारीलाई उद्धृत गर्दै अन्तर्राष्ट्रिय सञ्चारमाध्यमले जनाएका छन्।
राष्ट्रिय विपद न्यूनिकरण एजेन्सी (एनडिएमए) ले पहाडको भिरालो क्षेत्रमा बसोबास गरेका गाउँलेहरुलाई सक्रिय अवस्थामा रहेको ज्वालामुखीलाई लिएर सचेत रहन भनेको छ।
स्थानीय समय अनुसार शनिबार बेलुका पाँच बजेर २४ मिनेट जाँदा माउन्ट सेमरुमा ज्वालामुखी बिस्फोट भएको हो।
(Visited 7 times, 1 visits today)