रस अनलाइन खबर आज २०७७-०९-२२
दादुरा मिजल्स नामक भाइरसको संक्रमणबाट लाग्ने रोग हो । दादुरा अतिसंक्रामक रोग भएकोले यस रोगले महामारी गराउन सक्दछ । खास गरेर यस रोगले कुपोषित बच्चाहरूको बढी मृत्यु गराउँछ । यो संक्रमण भएको सातदेखि चौध दिनमा लक्षण देखिन्छ ।
लक्षण
ज्वरो आउने
खोकी लाग्ने
सिँगान बग्ने
आँखा रातो हुने
दादुरा भएम ज्वरो आएको २४ घण्टापछि गिँजामाथिको मुख भित्रको छालामा कनिका जस्तो सानो सानो फोका आउने गर्दछ । ज्वरो आएको चार दिन जति पछि अनुहार, घाँटी, ढाड, हातखुट्टामा रातो दानाहरु आउने हुन्छ ।
कसरी सर्छ ?
– संक्रमित व्यक्तिबाट यो रोग अति नै सजिलोसँग फैलिन सक्छ ।
– रोगीले हाछ्युँ गर्दा, खोक्दा सजिलै यो भाइरस अरु व्यक्तिमा फैलिन्छ ।
– घन्टौँसम्म वातावरणमा बाच्न सक्ने भएकाले यो भाइरस हावाबाट (न्युन मात्रामा) पनि सर्न सक्छ ।
– हातले संक्रमित सतह छोएर नाक, आँखा, मुख छुँदा सजिलै सर्न सक्छ ।
दादुराबाट हुने जोखिम
कान पाक्ने
पखाला लाग्ने
निमोनिया हुने
मष्तिक सुन्निने
कान नसुन्ने
बच्चाहरुको ज्यान जान सक्छ
गर्भवति महिलाको बच्चा सानो र समय भन्दा पहिले जन्मने
यसको उपचार लक्षण अनुसार हुन्छ । यसबाट जोगिने उत्तम उपाय खोप नै हो । त्यसैले चिकित्सकको परामर्श अनुसार बालबालिकालाई दादुराविरुद्धको खोप लगाउनु पर्दछ ।