रस अनलाइन खबर आज २०७७-०८-२९
भूमि सम्बन्धी समस्या समाधान आयोगले पहिलो चरणमा नेपाल भर जग्गा नभएका सुकुम्बासीलाई लालपुर्जा दिने योजना जनाएको छ । आयोगका अनुसार आगामी असार भित्र पहिलो चरणमा २ लाख सुकुम्बासी परिवारलाई लालपुर्जा वितरण गरिने छ ।
पोखरामा राष्ट्रिय भूमि अधिकार मञ्चले आयोजना गरेको कार्यक्रममा बोल्दै आयोगका सदस्य तथा प्रवक्क्ता भीम कार्कीले सो जानकारी दिनु भएको हो । यदी कोही सुकुम्बासी हो भने सबैभन्दा पहिला हामी वहाँलाई व्यवस्थापन गर्छाै । कार्कीले भन्नुभयो, पहिलो चरणमा झण्डै दुई लाख सुकुम्बासी परिवारलाई लालपुर्जा वितरण गर्ने योजना बनाएका छौं । नेपालको संविधानमा भएको व्यवस्था अनुसार वास्तविक भूमिहिनलाई व्यस्थापन गर्ने म्याण्डेट आयोगले पाएको छ । स्थानीय पालिकाले सुकुम्बासी भनेर प्रमाणित गरी सके पछि आयोगले लालपुर्जा वितरण गर्ने आयोगको कार्यविधि छ । भूमिहीन सुकुम्बासीलाई जग्गा उपलब्ध गराउन तथा बसोबासीलाई व्यवस्थापन गर्ने प्रयोजनका लागि नेपाल सरकारले आयोग गरेको हो । आयोगको समयावधि ३ वर्षको छ ।
पहिलो चरणमा सुकुम्बासी र अव्यवस्थित बसोबासको पहिचान गर्ने काम भइरहेको पनि कार्कीले जानकारी दिनुभएको छ । कार्कीका अनुसार स्थानीय पालिकाहरुसँग सम्झौता गरी त्यससम्बन्धी विवरण संकलन गर्ने काम जारी छ । सो अवसरमा विवरण संकलनका लागि सहयोग गर्न वहाँले सबैसँग आग्रह पनि गर्नु भएको छ । पहिलो चरणमा स्थानीय पालिकाहरुसँग सम्झौता गरेका छौं । स्थानीय पालिकाहरुले आफ्नो क्षेत्रमा रहेकाहरुको विवरण पठाए पछि अर्काे चरणमा व्यवस्थापनको काम गर्छाै, उहाँले भन्नु भयो ।
विवरणका आधारमा समस्या समाधान गर्न सकिने उहाँको भनाइ छ । विगतका आयोगहरुले जस्तो निवेदन दिएको भरमा लालपुर्जा नबाड्ने भन्दै सुकुम्बासी र अव्यवस्थित बसोबास गर्नेहरुलाई वर्गीकरण गरिने उहाँले जानकारी दिनु भयो । कार्यक्रममा पोखरा महानगर पालिका वडा १६का अध्यक्ष जीवन आचार्य, राष्ट्रिय भूमि अधिकार मञ्च कास्की अध्यक्ष प्रेमबहादुर गुरुङ, कर्ण गुरुङलगायतले मन्तव्य राखेका थिए ।